🏠 www.samajahitham.com
Watermark
Clip Header Logo
Date of Publish : 13 November 2026, 1:35 pm Posted by : SAMAJA HITHAM

ఎమ్మెల్యే మదన్ మోహన్ రావు చిత్రపటానికి పాలాభిషేకం చేసిన కాంగ్రెస్ నాయకులు

News Image
సోమారం పాఠశాల అభివృద్ధికి రూ.27.10 లక్షల నాబార్డ్ నిధులు

ఎమ్మెల్యే మదన్ మోహన్ రావు చిత్రపటానికి పాలాభిషేకం చేసిన కాంగ్రెస్ నాయకులు

తాడ్వాయి: మండలంలోని సోమారం గ్రామంలో ఉన్న మండల పరిషత్ ప్రాథమికోన్నత పాఠశాల (MPUPS) అభివృద్ధికి నాబార్డ్ నిధుల ద్వారా రూ.27 లక్షల 10 వేల నిధులు మంజూరు కావడంతో గ్రామంలో హర్షాతిరేకాలు వ్యక్తమయ్యాయి. పాఠశాలలో అదనపు తరగతి గదుల నిర్మాణం, విద్యార్థులకు మెరుగైన మౌలిక సదుపాయాల కల్పన కోసం నిధులు మంజూరు చేయించిన ఎల్లారెడ్డి ఎమ్మెల్యే మదన్ మోహన్ రావుకు కృతజ్ఞతలు తెలుపుతూ గురువారం పాఠశాల ఆవరణలో ఆయన చిత్రపటానికి కాంగ్రెస్ నాయకులు, గ్రామస్థులు పాలాభిషేకం నిర్వహించారు.

ఈ సందర్భంగా నాయకులు మాట్లాడుతూ గ్రామీణ ప్రాంతాల్లోని ప్రభుత్వ పాఠశాలల అభివృద్ధికి ఎమ్మెల్యే మదన్ మోహన్ రావు ప్రత్యేక శ్రద్ధ చూపడం అభినందనీయమన్నారు. పాఠశాలల్లో మెరుగైన మౌలిక సదుపాయాలు కల్పించడం ద్వారా పేద, మధ్యతరగతి కుటుంబాలకు చెందిన విద్యార్థులకు నాణ్యమైన విద్య అందించేందుకు ఈ నిధులు ఎంతగానో దోహదపడతాయని పేర్కొన్నారు.

గ్రామాల అభివృద్ధి అంటే కేవలం రోడ్లు, భవనాల నిర్మాణమే కాకుండా భావితరాల భవిష్యత్తును తీర్చిదిద్దే విద్యాసంస్థల అభివృద్ధికి ప్రాధాన్యత ఇవ్వడం కూడా ముఖ్యమని అన్నారు.

ఈ కార్యక్రమంలో మండల, గ్రామస్థాయి కాంగ్రెస్ పార్టీ నాయకులు, ఏఎంసీ చైర్మన్లు, సర్పంచులు, పార్టీ ముఖ్య నాయకులు, కార్యకర్తలు, గ్రామస్థులు తదితరులు పాల్గొన్నారు.

సోమారం ప్రభుత్వ పాఠశాల అభివృద్ధికి నిధులు మంజూరు చేయించిన ఎమ్మెల్యే మదన్ మోహన్ రావుకు గ్రామ ప్రజలు, నాయకులు ప్రత్యేక కృతజ్ఞతలు తెలిపారు.
🏠 Home